أذكِّرْ جَدِّتِي بالأمس حياة النَّاس ما حسَنْها = تقول قلوب مليانه عواطف كلها أحساس
تقول أيامنا حلوه وذكراها أبينها = أعيد أحلي صور مرت أعيد أحلى حياة الناس
تقول الجار له مقدار وله شمس نعاينها = إذا غابت سألنا عنه عساه بخير ما به باس
تقول العين ما تبصر حرام ولا نمكنها = نظر ما حرم الباري كتابه هدد الجسَّاس
تقول النَّاس يوم العيد تَهَيَّا في مساكنها = في باب البر ملقاهم يزين العيد والمجلاس
قلوب أصفت نواياها حبايب من معادنها = تشوف الكل في بهجه سرور يبعد الهوجاس
تعدْ رجال ذاك الوقت أسود الحرب ودندنها = غزو مع جيش أبو تركي تراهم للبلد حرّاس
تقول أهل القلم والعلم مواثيق تدونها = توثق ما جرى بين البشر بالحبر والقرطاس
تقول البنت محشومه ولا تبدي مفاتنها = إذا مرت بوسط السوق تراها من الحيا لبّاس[/poem]

أبو فيصل

خوي ابوفيصل
اقف احترمآ لك ولكلماتك وددت لو تركت توقيعك الاخير في الملحمه ولكن ابت نفسي الا ان تكون اول الموقعين لجمال ابياتك

اخوي الصارم يعطيك العافية وشكرًا على الإطراء .

تجمعنا بثالث عيد بكل الفخر نعلنها = على حب الحريّق كلنا في بحرها غطاس
تجاوزنا الألف باللي حضر والبعض ما امكنها= لعل اللي غلط بالعد يصحح سالف القرطاس
رجال من خيار الناس عاليها وطامنها= فذا تاجر وذ دكتور وذا في حضرته نوماس
فكانت فرحة للدار بمن هاجر وساكنها = تلاقي قلوب فرحانه وتنبض بالفخر احساس[/poem]

تحية طيبة أخي الطائر المهاجر :

1- أبيات جميلة ولي فيها رد على سؤالك عن العدد فأنه لم يتعدى نصف ما ذكرت ، مع تمنينا أن يتجاوز الألف إن شاء الله .

2- تلاقـي قلـوب تنبـض بالفخـر احسـاس (الشطر الثاني للبيت الأخير ينقصه شيء ) فهل هذا صحيح ؟

مع تحيتي ومودتي .

نعم فيه كلمة طاحت ، ورجعتها
شكرا لملاحظتك يا ابا فيصل
اما العدد فكل واحد جاء يمثل عائلة وعليك الحساب
وهو توضيح لمن ذكر لي أن أهل الحريق 158 فقط
في سجلات وزارة المالية.
تحياتي الطيبة