|
|
|
|
|
|
|
|
|
|
|
|
|
روابط مفيدة: التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
 |
 |
 |
|
 |
||||||||
 |
 |
| الحريق للرحلات كل مايخص البر والرحلات |
 الإهداءات |
|
|
|
||
 | |||
 |
|
|
LinkBack | أدوات الموضوع |
26-05-2008, 03:08 AM
|
رقم المشاركة : 1 (permalink) | ||
|
الديره القديمة بأشيقر " الماضي المعاصر "
السلام عليكم ... مرحبتين يا اهل الديره الكرام .. اليوم مزين لكم تغطية لرحلتي اتمنى ان تحوز على رضاكم بمناسبة الفية مشاركاتي >> من قدي  رحلتي يا شباب الى أشيقر الديره اللي تبعد عنا حوالي 12 كيلو << يقالك ما ندري  بس مهوب لأشيقر الديره الجديدة لا للديره القديمة اللي صارت خير شاهد لمساكن وبساطة الجيل السابق .. الديره اللي يتم ترميمها منذ ثلاث سنوات والى الان ... الديره اللي قام بزيارتها العديد من الشخصيات الكبيرة كسفراء ووفود عرب واجانب لروعتها ... بصراحة وانا اتجول فيها وامشي بين بيوتها المتواضعه كنت في منتهى السعاده حسيت بالبساطة والالفه والترابط والاخوه ... حسيت بهالمشاعر مع العلم ان الديره كانت خاليه من سكانها ولكن خلف اسوارها كانت تلك المشاعر الدفينه .. ولا اخص بتلك المشاعر قرية أشيقر القديمة لا وانما كل القرى القديمة وعلى رأسها بلدتنا الغالية الحريّق ... دخلنا انا و المرشد السياحي >> قوية مرشد سياحي تراه واحد من الربع ومشينا في احد السكك ومرينا على هاك المسجد مسجد ابا حسين على اعتقادي والفت انتباهي دورات المياه المقابلة للمسجد طريقتها غير طبيعيه شوفوها واحكمو >> ادري بتقولون تركت المسجد وصورت دورة المياه الله يكرمك لكن المقصد اماكن الوضوء مهوب اماكن الـ .....    وبعد روعة التصميم توضينا ودخلنا للمسجد لكن قبل ما تدخل فيه باب يوديك لمدرسة الشيخ عثمان بن عبدالرحمن ابا حسين رحمه الله التي تأسست عام 1360 هـ  بعدها دخلنا للمسجد وهذي صوره للمسجد من الداخل   طبعا ما صلينا ذكرنا ان حنا في وقت نهي العصر  طلعنا من الباب الخلفي على السرحهوشفنا غرفة للغرباء اللي يجون من بعيد وما لهم احد في الديره يسكنون فيها  طلعنا من المسجد وحنا في احد السكك جازلي هالمدخل حق البيت  طبعا البيت ما يعني لي شي بس جازلي وصورته  المهم طلعنا من هالحاره وطلعنا على السوق القديم والمحلات ياهي صورة بعد >> عشاني انا اللي مصورها  وهذي صوره لاحد السكك  وحنا نمشي ونمشي وبعد مشينا وشوي بعد ولانا نطلع على هاك المكان اللي توهم يشتغلون فيه وهذي ال لبنات >> فاصلها عشان ما احد يقراها بنات اعرف قلوبكم خضر   عقب ما قعدنا نشرف ونعلمه اصول الشغل الله المستعان تذكرت هاك الحين ايييه يالدنيا >> اقول مهوب وقتك كمل بس  وحنا نشق الشعيب مع ذيك السكه والله ياهي سكة بعد شي  ولانا نطلع على هاك المكان اللي وش زينه وانا اللي أأبى الا ان اصور هذا المكان  طبعا اللي معي مل مني من كثر ما اوقفهم عشان اصور لكن مهيب مشكلة  وحنا اللي نشمي لنا شويتين ولانا نطلع على اخر الديره من ذيك الجهه >> مردي اي جهه انقلب راسي من اللف !!! لفه  بين هالدعاسيق وانا اللي ادير العجلة واشوف ذيك الشوفه وانا اللي اصورها الظاهر انها ......   وانا اللي امشي شوي وتجوزلي هاك الزاوية وانا اللي ابصور ويطلع هالمرشد السياحي في وجهي >> كل ما جيت اصور انا وياه جهاد ابعد ابعد لكن وش تقول والله من العجله  وبعد التجوال والتجول في ارجاء الديره القديمة لاشيقر الجاره العزيزه  بدأت الشمس بالمغيب وبدا الجو في البرودة >> ايه طل عندها مررنا باحد المجابيب والتقطت هذه الصورة اللي اعتقد انها من اجمل الصور  شفتو والله صوره حلوه ههههههه  عاد رحنا للمتحف حقهم ودخلنا مع الباب << اكيد مع الباب اجل طابين  وحنا اللي هلتسين نبي مويه ولا هالقربه قدامنا عاد الله لا يوريك النعال طارة وركض من اللي يلحق الاول يشرب   وبعد الشرب وخلاص روينا وكلش دخلنا المجلس مجلسن تسبير وحاطين فيه صور قديمة وهذي بعض الصور    وفي جهة من جهات المجلس على احد الجدران حاطين لوحتين كبار مطبوع عليهن الاولى وصية صقر بن قطامي بن صقر رحمه الله كتبت بتاريخ 5/8/940 هـ  والثانية وصية الحاج صبيح المكتوبة عام 747 هـ  وبعد المجلس وهالتراث المصور اللي فيه رحنا للمتحف عاد شوفو المتحف في البداية صورة لغرفة العاروس    وبعد غرفة الرومنسية يجيك المطبخ >> والله الفرق لكن بيجوز لرجاوي العب يا ولد   وعجبني شي شفته بس للاسف بعيد والصورة مهيب واضحة شفوها ثم نعلق عليها ؟؟؟؟  الله يالدنيا يا الكتاتيب تهي تهي  عاد يجي عقب كذا شي طيب بيجوز لبعض الناس اللي هو دكان القرية  عاد وبعد الدكان هذي صورة لشوية اغراض للاولين تراث ولا احلى   وهذ صورة لوحات سيارات قديمة الله المستعان  وهذي صوره لمخطوطات قديمة حاطينها في قزاز ابداع والله  بصراحة والله متحف ولا احلى مشتغلين شغل قوي لا في الديره بترميمها اللي كلف اكثر من مليونين ولازالت الاعمال جارية والا في هالمتحف اللي مجمعين فيه كلش ... جزاهم الله خير على هالشغل الكبير في ديرتهم والله ما قصروا :icon31: عاد اختم لكم بهالصورة اعتقد الكل يعرف وش اللي فيها  تراه يسمون الدلخ بنفس الاداة اللي في الصورة اعتذر على الاطالة واتمنى اني كفيت ووفيت لكم هالرحلة البسيطة .. مع تمنياتي للجميع بالتوفيق والنجاح :icon31: اخوكم ولد الديره  |
||
|
26-05-2008, 09:21 PM
|
رقم المشاركة : 3 (permalink) | ||
|
|
رد: الديره القديمة بأشيقر " الماضي المعاصر "
تسلم يا ولد الديره على الصو الرائعة لبلدة أشيقر القديمة .. بصراحة كانت آخر زيارة لي مع عبد الله البسيمي من خمس سنوات تقريبا .. لكن وقتها ما صار شي .. وياليت نسوي مثلهم ولو في جزء من الديره .. تسلم وإلى أرقام فلكية أخرى
|
||
|
27-05-2008, 02:14 AM
|
رقم المشاركة : 6 (permalink) | ||
|
|
رد: الديره القديمة بأشيقر " الماضي المعاصر "
اخوي الساهر
اسعدني مرورك الكريم وهذا جزء من اللي تعلمته منكم لكن حرام عليك الموضوع مهوب منقول شغلي من الالف الى الياءابو الفيصل حياك الله وصدقت ياليت نسوي جزء بسيط من اللي سووه اقل شي الاشياء المهمه في الديره ترمم وتجمع الاثار في قصر الجماعة بترتيب حلو .. غرور الورد اسعدني مرورتس والله يعافيتس يا بعدي ليالي نجد الصوره مافيها كلام رايح معها وطي مدري وشلون صورتها  كبر راسي حبتينتسلم يالغالي على مرورك |
||
|
27-05-2008, 05:51 PM
|
رقم المشاركة : 8 (permalink) | |||
|
|
رد: الديره القديمة بأشيقر " الماضي المعاصر "
اقتباس:
موب هذا أبو عبدالله الي يسأل عنه المشرف العام .. وينك يا خوي رح للمدير يبيك .. لا تغيب واجد .. |
|||
|
27-05-2008, 09:09 PM
|
رقم المشاركة : 10 (permalink) | |||
|
رد: الديره القديمة بأشيقر " الماضي المعاصر "
اقتباس:
اخي العزيز ولد الديرة اكرر شكري لك مرة اخرى واود التوضيح بما قصدت بالنقل النقل هو عملية اخراج الصور ونقلها من الكمرا او الجوال لجهاز الحاسب ثم تحميلها الى احد مواقع تحميل الصوربالانتر نت لعرضها بهذا الشكل وهذا مجهود جبار ومتعب ايضاً ولا يعرف مقدار تعبه الا من جرب هذا العمل ومن الصور واضح بان الموضوع بكامله من اعدادك امل ان تكون الصورة وضحت امامك تقبل مني احلى وارق تحية |
|||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| البرازيلي "زيكو" المرشح الأبرز لقيادة المنتخب السعودي | رجاوي | الحريق الرياضي | 4 | 26-06-2008 05:26 AM |
| نزلاء الصحة النفسية بالطائف تعرية المرضى النفسيين بـ"شهار" والاستحمام جماعي بخراطيش " | الصارم | الحريق العام | 20 | 16-10-2005 04:22 AM |
| زميل " يغتصب "زميلته " في العمل !! (صورة لدعاة الاختلاط وعمل المرأة ) | الجارح | الحريق العام | 4 | 16-06-2005 01:09 PM |
| أروع المواقع لتحميل الصور والملفات "مجانا" !! (( راااااااااائعة )) !!= | خالد | الحريق للبرامج | 3 | 17-01-2005 11:05 PM |
| "عناكب عملاقة" تهاجم المخيمات الأمريكية جنوب العراق | راعي البطيحا | الحريق العام | 1 | 30-04-2004 10:31 PM |
الموقع يحمل كل عضو مسئولية مشاركته فراقبو الله في كتاباتكم
 |
<< ذوق وفن عالي 
